Jæja, nú eru áramótin að ganga í garð og fólk eflaust sveitt við að setja niður áramótaheit fyrir árið 2010. Held að ég sleppi því bara og setji frekar inn 100 hluti sem ég ætla að gera áður en ég hverf af þessari kúlu

1. Fara á stóran íþróttaviðburð (Ólympíuleikana, Super Bowl, heimsmeistaramót o.s.frv).
2. Halda risa partý
3. Synda með höfrungum
4. Fara í fallhlífastökk
5. Læra nýtt tungumál
6. Fara í nektarsund (skinny-dipping)
7. Eyða heilum degi í sukk án þess að fá samviskubit
8. Vera aukaleikari í kvikmynd
9. Eignast barn
10. Læra að taka hrósi

11. Fara í safarí í Afríku
12. Læra á snjóbretti
13. Senda flöskuskeyti
14. Eignast hús
15. Læra að segja nei
16. Gróðursetja tré
17. Skrifa aðdáendabréf til uppáhalds stjörnunar minnar
18. Læra samkvæmisdansa
19. Verða ástfangin
20. Standa á Kínamúrnum

21. Skrifa skáldsögu
22. Sigla um Karabískahafið
23. Syngja í karókí
24. Vera fyrirmynd
25. Fara í tegjustökk
26. Kenna einhverjum eitthvað nýtt
27. Fara á Októberfest
28. Biðja um launahækkun
29. Fara í bakpokaferð um Evrópu
30. Gista í kastala

31. Hitta eina fræga manneskju
32. Fyrirgefa sjálfri mér
33. Sjá tunglmyrkva
34. Óska mér við stjörnuhrap
35. Eyða gamlárskvöldi í útlöndum
36. Fara í helgar/dekurferð í sumarbústað
37. Fara í Þórsmörk
38. Sinna sjálfboðaliðastörfum
39. Upplifa þyngdarleysi
40. Bjóða einhverjum ókunnugum á stefnumót

41. Gera mig að fífli
42. Gera erfðaskrá
43. Sofa undir berum himni
44. Ferðast um Amazon-frumskóginn
45. Kafa í Grate Barrier Reef í Ástralíu
46. Fara í stærsta rússíbana í heiminum
47. Fara á Kjötkveðjuhátíð í Brazilíu
48. Læra að juggla þremur boltum
49. Finna draumastarfið
50. Gerast líffæragjafi

51. Fara í flúðasiglingu í Mikla-Gljúfri
52. Gefa til góðgerðamála
53. Fara í tívolí
54. Eyða 6 mánuðum í að koma mér í æskilegt form
55. Keyra blægjubíl með blægjuna niðri
56. Eignast gæludýr
57. Taka sjálfa mig í sátt
58. Halda opinbera ræðu
59. Fara á stóra rokktónleika
60. Fara í loftbelg

61. Kyssa einhvern ókunnugan
62. Spila í spilavíti í Las Vegas
63. Kyssa Blarney-steininn
64. Sjá Stone Henge
65. Gera fjölskyldutréið mitt
66. Fara holu í höggi
67. Syngja þjóðsönginn
68. Vinna í lottó
69. Eignast motorhjól og geta keyrt það
70. Labba upp á jökul

71. Fara á norður- eða suðurpólinn
72. Hitta jólasveininn
73. Verða vitni að kraftaverki
74. Vera á tveimur stöðum í einu
75. Lesa 10 best skáldverk sögunnar
76. Sjá allar Óskarsverðlaunakvikmyndirnar
77. Læra ljósmyndun
78. Fara á alvöru grímuball
79. Vera til staðar fyrir einhvern
80. Eiga rauðan spandexgalla

81. Fara á hundasleða
82. Búa til listaverk
83. Hanna vefsíðu
84. Fara í rómantíska ferð til útlanda
85. Tala inn á teiknimynd
86. Læra að dansa magadans
87. Lesa Silmarillinn eftir Tolkien
88. Fara í göngu upp á hálendið
89. Læra á brimbretti
90. Byggja bjálkahús

91. Gista á fimm stjörnu hóteli
92. Auðvelda einhverjum lífið
93. Finna sjálfa mig
94. Bjarga mannslífi
95. Fara í klettaklifur
96. Læra að fljúga flugvél
97. Halda matarboð með mexíkósku þema
98. Baka sörur
99. Sjá engil
100. Komast að leyndarmáli lífsins

Osomasta bréf ever?

Kaffistofunni barst bréf frá nemenda sem er óánægður með kennsluhætti skólanna og vill breytingar. Bréfið, sem hefur verið lesið upp til agna á kaffistofunni, er svohljóðandi:

---

Mörgum nemendum finnst kennarar þeirra vera ótrúlega leim og voða mikið bara að kenna eitthvað júsless stöff. Allar bækurnar sem eru lesnar í íslensku eru t.d. most boring bækur ever sem enginn les nema einhverjir proffar! Án djóks! Svo tala þeir einhvað fokking fornmál og maður bara VÓ! og skilur ekki rass og svo hrauna þeir bara yfir mann ef maður spyr kannski aftur hvað hafi skeð fyrir einhvern í einhverri sögu!

Kannski ættu kennarar að pæla í því að gleyma gömlu kennsluaðferðunum sem eru nú ekkert til að hlaupa húrra fyrir og þeir eru búnir að nota síðan í örlý seventís og fara að öpdeita sig aðeins.

Þeir gætu t.d. komið sér upp kennslusíðum á feisinu og gætu þá addað nemendum og þá nottla bara þeim sem hafa áhuga. Þá gætu kennararnir líka tjattað við nemendur og búið til allskonar quiz og test sem nemendum þætti gaman af í staðinn fyrir að vera alltaf að bögga nemendur með sjúklega leiðinlegum prófum.

Svo er gegt góð hugmynd að nemendur gætu þá líka alltaf kommentað á t.d heimanámið því það er ógeðslega fúlt að hafa of mikið að gera eða verið með reitings á kennsluna og kannski gætu kennarar sem skora hátt fengið hærri laun eða eikkað.

Kennarar gætu líka verið með til dæmis groups um kjörbókarritgerð og þá gætu þeir bara joinað sem ætluðu að lesa heila bók eða sollis og fá þannig 10% .

Kennaranir gætu líka sett inn events þegar væri að koma próf og sent nemendum bara invitation þá myndu allir pottþétt vita það. Ekki eins og núna þegar stundum er ekki einu sinni sagt manni að það sé próf næsta dag! Kommon!

Svo ef kennarinn sé veikur þá er næs að hann geti bara sett það í statusinn og nemendur sjá það og bara hjúkket! Frí! Sjitt hvað það væri osom!

Svo gætu allir sett inn myndir – bara svona normal myndir – ekkert djúsí sem kennarinn má ekki sjá og þá er hægt að tagga aðra nemendur á myndunum og þá væri miklu meira easy skiluru fyrir kennarann að muna hvað allir heita sko.

Kennarar gætu líka kennt bara online og allir fengu mætingu ef þeir væru loggaðir inn. Það væri svít. Þá gætu nemendur bara tjillað heima kannski og dánlódað bara öllu draslinu í tölvurnar eða ipodana sína!

Allavega er aðal issjúið að kennarar átti sig á því að núna eru þeir í tómu tjóni og það sé möst að þeir geri huge breytingar á kennslunni sko! Sorrý en þeir verða að spá í að þeir eru líka í keppni við allt hitt stöffið sem nemendur geta skemmt sér við í tölvunum. Það er audda miklu skemmtilegra að spila tölvuleik eða að horfa á eitthvað á Youtube heldren að hlustá einhvern kennara tala. En whatever...eikkað er greinilega að og því er skorað á kennara: Reynið að láta nemendunum hlakka til að mæta í tíma til ykkar og þið rúlið!

Luv,
xoxo

Hér er hægt að finna þetta á netinu:
http://www.b2.is/?sida=tengill&id=331656

Sælar, krúttbínurnar mínar!

Mér skilst að það sé auðveldara að ná sambandi við páfann heldur en að hitta á lausan tíma hjá mér. Enda er ég hreinlega að drukkna í verkefnum og því sem þeim fylgir. Þessi önn í skólanum er, hreinskilnislega, ekki sú skemmtilegasta. Það bjargar þessu samt að ég er á fullu að vinna í lokaverkefninu mínu og gengur það bara svakalega vel. Fegin að geta byrjað á því snemma og haft nægan tíma til að spá og spauglera.

Þó að það sé mikið að gera í skólanum þá er ég snillingur í að finna mér tíma til að troða mér inn á allskonar fundi og ráðstefnur. Um daginn fór ég á Landsþing Þroskahjálpar og á morgun og á föstudaginn verð ég á Málþingi Menntavísindasviðs: Föruneyti barnsins - velferð og veruleiki. Þar eru málstofur sem tengjast lokaverkefninu svo að mín ákvað að skella sér á þær og vonandi verða einhvers vísari. Þýðir ekkert annað en að nýta tækifærið

Ohhhh... ég verð að deila. Ég hélt að ég færi yfir um af hlátri í gær. Þið vitið eflaust hvað þetta "Are you interested?" er á Facebook. Ég skoðaði þetta einhverntíman og er þar inni. Maður fær alveg milljón pósta frá þessu drasli. En í gær fékk ég póst um að einhver "likes me" þannig að ég ákvað að kíkja. Þegar ég opnaði linkinn þá blasti við mér mynd af Siglfirðingi! Einum mesta vandræðagemsa bæjarins, hehe. Ég er svo pottþétt á því að hann er ekki að fatta hver ég er, hehe. Ætla allavega að vona það... hitt er bara creepy!

Held að það sé kominn tími á freyðibað og smá afslöppun fyrir svefninn, enda ætla ég að vera sæt á morgun og þarf minn fegurðarblund

Sofiði vel
xo
G

Ég er opinberlega risin upp frá dauðum í bloggheiminum!

Tæplega árs frí ætti að vera nóg til að endurnæra hugann og koma puttunum aftur af stað.

Það hefur nú allveg eitthvað drifið á daga mína þetta tæpa ár;

1) Ég fór í vettvangsnám í apríl og maí sl. þar sem ég var að vinna með 8 ára strák með     ódæmigerða einhverfu.

2) Ég kláraði annað árið í skólanum.

3) Ég hélt áfram að vinna í búðinni.

4) Ég fór á Gautalinga-ættarmót sem var æði. Það var yndislegt að komast norður í sveitina í glampandi sól og hita. Svo ekki sé minnst á sólbruna

5) Ég fór á annað ættarmót. Ætli það myndi ekki kallast Spóngerðis-ættarmót. Það var svakalega gaman. Mikil hlegið, sprellað og sungið... svo ekki sé minnst á Öskubustku

6) Síðasta árið mitt í skólanum byrjaði svo í september og sé ég varla út úr augunum fyrir verkefnum, bókum og pappír.

7) Ég skipti um vinnu. Nú þjónar maður til borðs og vinnur á bar

8 ) Ég flutti.

9) Ég tók að mér þróunarverkefni í skólanum í samstarfi við Umsjónarfélag Einhverfra, sem jafnframt verður lokaverkefnið mitt.

10) Ég er komin í jólaskap. Hlakka til að komast í jólafrí og baka smákökur.

og

11) Ég er búin að ákveða allar jólagjafirnar og ætla að kaupa þær í næsta mánuði

Þar hafi þið það. 9 mánaða uppfærsla á einu bretti, hehe.

Ætla að finna eitthvað skemmtilegt að skrifa um á morgun. Hver veit nema að það gerist eitthvað sniðugt í strætó

xo
G

Ég hef hingað til ekki tjáð mig mikið um þau málefni sem hefa yfirtekið allar kaffipásur á vinnustöðum landsins, en nú er svo komið að ég á bara ekki til orð! Nota þetta orðatiltæki lauslega og það á ekki að taka bókstaflega. Ekki hef ég velt mér upp úr pólitík eða kreppu hingað til og þekki lítið til á þeim bænum. Ég hef ekki kynnt mér störf embættismanna að öðru leiti en því að mér finnst þeir eigi að starfa í þágu fólksins í landinu. Ég veit ekki hvaða ferli er í gangi í tengslum við hrunið eða hvar í ferlinu þetta er alltsaman og hvernig staðið er að því. Ég veit í rauninni sára lítið... alveg eins og allir aðrir.

Ég styð mótmæli og það að fólk láti í sér heyra til að vekja athygli á þeim málefnum sem það vill sjá breytingu í. Ég styð líka þá kröfu um útskýringu á þessum efnahagshörmungum. Ég hef engar tillögur að lausn og ég veit heldur ekki hverjir ættu að setjast í ríkisstjórn ef að þessi leggur upp laupana. En einu er ég að velta fyrir mér... af hverju eru háttsettir embættismenn annarra landa látnir segja af sér (eða segja hreinlega af sér) ef þeir stíga millimeter út af línunni en embættismennirnir okkar sitja eins og hnullungar í sætunum sínum og haggast ekki? Ég gef mér það að þessir embættismenn vinni fyrir fólkið, því þeir eru jú kosnir af fólkinu, og því sé óánægja grundvöllur afsagnar. Það virðist þó vera þannig hér á Íslandi að þessi fína lína sé enganveginn skilgreind og óánægja fólksins ekki nægur grundvöllur afsagnar. En hver er þá grundvöllur afsagnar?  Það virðist vera þannig að það sé ekki hlustað. Því mælist ég til þess að fólk hætti að kaupa skyr og egg til að kasta í mótmælum og setji af stað söfnunarbauk svo að hægt sé að kaupa heyrnartæki handa embættismönnum.

En talandi um mótmæli. Fyrir mér eru mótmæli friðsamleg samkoma þar sem fólk lætur heyra í sér og gerir kröfur sínar opinberar. Sé ekkert athugavert við svoleiðis samkomur og fólk sem sækir þær kýs ég að kalla mótmælendur. Hinsvegar er annar hópur sem mætir á svona samkomur gagngert til að skapa vandræði og leita uppi átök og skapa átök. Þetta er fólk sem felur sig á bakvið grímur eða klúta og beitir ofbeldi og skrílslátum, nánast gegn hverju og hverjum sem á vegi þeirra verður. Þá erum við hætt að tala um mótmæli og mótmælendur en erum farin að tala um óeirðir og óeirðarseggi. Oft eru þetta börn og unglingar sem vita varla hvorum enda gaffals maður setur upp í sig, hvað þá heldur hverju er verið að mótmæla og af hverju. Auðvitað er í þessum röðum fullorðið fólk líka.

Ef við höfum skrílslæti og ofbeldi þá hljótum við ósjálfrátt að enda með aðila sem þurfa að hafa hemil á þessu liði. Það myndi vera lögreglan. En bera lögreglumenn ábyrgð á ástandinu í landinu? Nei, maður hefði ekki haldið það. Lögreglan samanstendur af fólki sem glímir við sama vanda og allir aðrir í landinu. Það tók lán, eins og allir aðrir, og það á fjölskyldur og aðstandendur sem eiga um sárt að binda í þessari tíð. Þetta fólk er líka reitt og sárt og myndi eflaust mæta á Austurvöll til að mótmæla ef það væri í fríi. En þetta fólk er í vinnunni og það þarf að skilja persónulega skoðun sína, sama hver hún er, eftir um leið og það fer í gallann. Þetta er fólk sem að aðrir hreyta fúlyrðum í , það verður fyrir aðkasti, í það er kastað matvöru og grjóti og það lendir í því að ráðist er á það. Ég tek að ofan fyrir þessum einstaklingum og finnst þeir hafa staðið sig eins og hetjur þarna niðurfrá.

Ég vona svo innilega að það sem ég heyrði á götubylgjunni í dag sé uppspuni. Samkvæt henni hefur verið (eða er í vinnslu) vefsíða þar sem fólk er hvatt til þess að veitast að heimilum lögreglumanna. Allgóðar upplýsingar eiga að vera á þessari síðu, myndir af fólki, heimilum þess og götukort. Þetta finnst mér viðbjóður og algjörlega siðlaust. Það er bara verið að hvetja til glæpsamlegs athæfis og þetta á bara eftir að enda með ósköpum! Vona að þetta sé einhver lygasaga.

En ég hef svo sem ekki meira til að röfla yfir. Er búin að fá útrás fyrir pirringi síðustu daga.

Vona að við höldum áfram aðhugsa um okkar nánustu og vera góð við hvert annað

/>

Ef þú átt eitthvað slæman dag þá endilega skoðaðu þetta:

http://www.youtube.com/watch?v=CtJLVy6uymk&feature=PlayList&p=B8698C7D17AD1A13&index=13 - Hænulagið

http://www.youtube.com/watch?v=Lu-UkTv8tVk&feature=PlayList&p=B8698C7D17AD1A13&index=18 - Agadú, dú, dú dú...

http://www.youtube.com/watch?v=QMjO8vzINW4&feature=related - Superman!

http://www.youtube.com/watch?v=kb9GVPf5Nbc&feature=related - Pía, pía píanó...


Priceless!

Ég rétt náði í endan á sjónvarpsþætti hinnar hláturmyldu eldhúsdrottningar Rachel Ray þegar ég kom heim í dag. Hún var að elda þrjár máltíðir úr afgangs-kjúklingi, og var þar t.a.m. núðluréttur og mexíkóskar hveiti tortillur þar sem kjúklingur, ostur og grænmeti eru sett á helming tortillunnar og hún síðan brotin saman og osturinn látir bráðna. Fyrir ykkur matreiðslumeistarana er þetta fyrirbæri kallað Quesadillas En hvað haldið þið að þetta fyrirbæri kallist í íslenskri þýðingu á þættinum...?

KESDJAS!!!

Hahahaha!

Eftir að ég kom hingað norður á Þorláksmessu þá hefur lífið leikið við mig. Ég er bara orðin að ungabarni. Sef meiripart dagsins og borða þess á milli. Er búin að vera eitthvað slöpp en er öll að koma til. Fór meira að segja í svaka göngutúr áðan, sem sannaði það í eitt skipti fyrir öll að ég er í draugabæ. Það eina sem vantaði voru kúlurnar sem fjúka yfir göturnar í vestrunum. Svo er plönuð sundferð í fyrramálið þar sem taka á vel á því og svo er jafnvel planaður annar göngutúr um miðjan dag á morgun. Bara harkan sex hér á bæ.

Bróðir minn kallar mig aumingja þessa dagana, af því að ég vildi ekki koma með á ball á öðrum degi jóla. Ekki er ég að nenna að fara ein á ball og hanga með fólki sem ég tala aldrei við. Ekki talaði neinn við mig og spurði hvort að ég ætlaði og ekki talaði ég við neinn heldur, af því að ég hafði ekki orku eða nennu til að fara á ball.Var heldur ekki að nenna að útskýra það fyrir fólki að ég höndla illa mjög troðna skemmtistaði, og bara staði yfir höfuð. Naut mín vel hérna heima, hélt mitt eigið dansiball með öllum ímynduðu vinum mínum, skreið svo undir sæng og las Dagbók Bríetar Jóns. Vaknaði síðan eldhress morguninn eftir og brasaðist við að vaska upp og sópa og dúlla mér eitthvað í tölvunni. Voða næs dagur.

Nú er ég komin í alveg hörku átak. Ekkert væl og engin leti. En ég má eiga svindldaga og letidaga. Svo verður maður líka á fullu í vinnu eftir áramótin og í skólanum og bara nóg að brasast. Annars er ég búin að plana áramótaheitin. Bara svona basic áramótaheit svo sem. Um síðustu áramót var eitt heitið þess eðlis að ég færi á öll deit sem mér væri boðið á á árinu. Stóð við það og ekki get ég sagt að það hafi gengið vel, hehe. En ég á allavega nægar vandræðalegar deit sögur til að deila og sumar all svakalegar... Ég hef verið beðin að gefa út bók og hver veit nema að maður geri það einhverntíman...

Annars vona ég bara að þið hafið haft það gott og kannski ég deili áramótaheitunum í næsta bloggi, eftir að hafa ritskoðað þau aðeins, hehe

Svo er ég, í fyrsta skipti á ævinni, yfir mig ástfangin af sjálfri mér. Ég er æðisleg, bara svona ef þið vitið það ekki Mér finnst að það megi alveg klappa fyrir því.

Og þar til næst... dans, dans, dans op på bordet (eins og segir í laginu - Hverjir voru aftur með þetta lag og á það einhver?)

Það er alveg ótrúlegt hvað maður heyrir og sér í strætó....

Tökum bara daginn í dag sem dæmi.
Ég fór í strætó í morgun og eftir að hafa setið þar í rúmar 5 mínútur stoppar hann og inn kemur hópur af c.a. 4 ára leikskólabörnum. Þeim er vísað til sætis og strætóinn keyrir af stað. Eftir nokkrar mínútur stoppar hann aftur og inn kemur ungur maður með tölvutösku. Þar sem ekki eru laus sæti að þá stendur hann í ganginum við hliðina á mér. Fyrir framan mig sitja strákur og stelpa af leikskólanum. Allt í einu snýr stelpan sér að unga manninum og segir: "Af hverju ertu með tölvuna?" Ungi maðurinn svarar því að hann sé á leið í vinnuna. "Hvar ertu að vinna?" spyr stelpan. Hann segist vera að vinna hjá Landsbankanum. Þá brosir stelpan og segir "Já, pabbi minn líka". Þá snýr leikskólastrákurinn sér við í sætinu og horfir á skólasystur sína við hliðina á sér og segir hneikslaður: "Þú veist að Landsbankinn gerir bara ljóta hluti!" Þá brosir stelpan og segir: "Ekki lengur. Pabbi minn er nefnilega að taka til í Landsbankanum".
Segiði svo að þessi blessuðu börn okkar fylgist ekki með

Ég fór náttúrulega aftur í strætó á leiðinni heim og ég hef bara aldrei verið jafn fljót á leiðinni. Maðurinn keyrði eins og brjálæðingur. Svo vorum við kominn hingað í Grafarholtið þegar hann stoppar strætóinn hjá byggingarsvæði og opnar hurðina. Ég skildi ekkert af hverju hann væri að stoppa en hugsaði með mér að hann væri að fara að bursta snjó af speglunum, þar sem að það snjóaði svo mikið. En neeeiii... í stað þess að þurka snjóinn burt þá stendur hann þarna í dyrunum og vippar sprellanum út og sprænir bara þarna út um dyrnar!. Ég varð mjög vandræðaleg og vissi eiginlega ekkert hvernig ég átti að vera og ákvað að það væri bara best að horfa út um gluggann! Svo þegar maðurinn er búinn að létta á sér snýr hann sér við og segir: "Nei, þú hér! Ég bara tók ekkert eftir þér. Fyrirgefðu, ég var bara alveg í spreng".

Ég mæli með því að þið takið strætó númer átján, það er ýmislegt sem gerist þar!

Sælar elskurnar.

Þá eru prófin búin og ég bara flutt í vinnuna þar sem ég puða og púla allan daginn við það að gera fólki til hæfis. Sem getur reynst alveg fjári erfitt! Það er nefnilega til eitthvað sem heitir "mismunandi smekkur" fólks. Flestir hafa nú sæmilega góðan smekk, sumir hafa frábæran og aðrir vita ekkert um hvað þeir eru að tala. Svo kemur inn fólk sem að vill t.d. kaupa allan heiminn, það fínasta og flottasta, fyrir skít og kanil. Af hverju getur fólk ekki skilið það að allar þessar gengisbreytingar hafa áhrif á allt þjóðfélagið? Varan okkar hækkar líka, alveg eins og í fataverslunum eða matvörubúðum.
Ég ætla líka bara að biðja ykkur um að muna að taka ekki einhvern pirring út á fólkinu sem afgreiðir ykkur í búðunum. Það er ekki okkur að kenna þó að þjóðfélagið sé á botninum og að varan í búðinni hafi hækkað. Við erum í nákvæmlega sömu aðstöðu og þið. Dónaskapur og skammir koma fólki ekkert áfram, ef eitthvað er þá gerir slíka framkoma það að verkum að manneskjan sem er að reyna að aðstoða ykkur missir alla löngun til að veita góða þjónustu.

Mig langar bara að leiðrétta misskilning sem hefur tröllriðið ættingjum mínum og mamma greyið hefur þurft að sitja fyrir svörum. Ég lék ekki í Spaugstofunni sl. laugardag! Allavega veit ég ekki til þess að ég hafi gert slíkt. Ef að ég hef leikið í Spaugstofunni þá hef ég gert það í svefni. Ég veit ekki hver þessi stelpa var, sá þetta ekki, en það virðast allir halda að hún sé ég. Þið getið hætt að spurja mömmu út í þetta og leyft henni að sofa í friði á daginn, þar sem hún er á næturvöktum þessi elska.

Hlakka svo til að fara norður um jólin. Hitta allt liðið mitt og splúnku nýju frænkuna og slappa af með bækur í annarri og appelsín í hinni. Þetta verður æðislegt.

En nú ætla ég að fara að sofa í hausinn minn, eins og þeir segja. Þarf að mæta í vinnu á morgun.
Heyrumst. 

Jæja, þá er komin prófatíð og maður situr hérna heima og lærir um aðgerðabindingu, breytur og rannsóknarsnið. Ekki það skemmtilegasta á aðventunni. Elska aðventuna. Öll ljósin og svo má maður byrja að hlusta á jólalög. 

Ætla ekki að hafa þetta langt. Langar bara að minna ykkur á að hugsa vel um hvort annað og njóta lífsins. Maður veit svo sannarlega ekki hvenær það tekur enda....

Sælar elskurnar.
Hef ekki verið sú duglegasta í bransanum undanfarið! Ég hef bara einhvernveginn ekki haft neitt sérstakt að segja... og hef það ekki enn, hehe. Það er bara eins og allur skrif-fílingurinn minn hafi horfið með auknu vekefnaálagi og prófalestri. Ekki það að ég sé eitthvað byrjuð að lesa fyrir próf að ráði. Stefni að því að skila af mér öllum verkefnum í næstu viku og eftir það er prófalestur twentyfourseven! Oj, ég fæ alveg gæsahúð! Svo er maður bara að drepast úr þreytu og hefur ekki tíma fyrir sjálfan sig... sem er ekkert spes.

Annars hefur þessi dagur ekki farið í neitt gáfulegt. Er búin að sitja heima í dag með einhverja ælupesti og allt sem henni fylgir. Hafði mig samt í það að skrölta út í búð... en það tók heilan klukkutíma vegna þess að mig svimaði svo svakalega mikið. Svo var ég rennandi sveitt og ógeðsleg þegar ég kom heim eftir að halda á "öllu" sem ég verslaði.... eða einni mjólkurfernu, hálfu brauði og osti. Þrekið svo innilega ekki til staðar.

Er samt alveg í skýjunum þessa dagana, þrátt fyrir þetta blessaða álag. Það mætti nefnilega halda að ég gengi um með rósrauðu gleraugun. Það er bara allt eitthvað svo yndislegt, hehe. Er alveg ótrúlega hamingjusöm með sjálfri mér og það hefur ekki með neinn annan að gera, þannig að þið getið bara sleppt að kommenta eitthvað á það! Hef mikið verið að spá í að giftast sjálfri mér, svona eins og konan sem ég skrifaði um hérna um árið, hehe. Það er í manns eigins verkahring að gera sjálfan sig hamingjusaman og því tilgangslaust að vera að giftast einhverjum öðrum, hehe Mig minnir allavega að það hafi verið pointið hjá þessari konu.

Man samt eftir því hérna í gamla daga, þegar maður var lítill og sætur, að það var alltaf verið að spurja mann að því hvernig maður ætlaði að hafa brúðkaupið sitt. Hafði ekki áhuga á að spá í það þá og hef hann ekki núna. Í fyrsta lagi þá er ekkert brúðkaup í vændum og þar af leiðandi er maður ekkert að spá í því... hljómar það ekki gáfulega? Svo er ég ekki viss um það að ég gifti mig einhverntíman, hehe. Þannig að ég yrði voða þakklát ef að slíkar spurningar yrðu geymdar þangað til að grundvöllur fyrir þeim myndaðist.... svona ef maður væri nú með kall bundinn við vinsti löppina, hehe

En af hverju ætti maður að vera búinn að plana brúðkaupið sitt fyrirfram þegar maður er bara barn? Maður hefur nú soldið brenglaðar hugmyndir um hjónabönd og hitt kynið og allan þann pakka.Svo er maður að byggja upp einhverja skýjaborg sem verður ekki að veruleika... það þarf nefnilega tvo til að dansa tangó. Ef að ég hefði akveðið brúðkaupið mitt hérna fyrir 17 árum síðan þá hefði ég ekki viljað neitt annað en að gifta mig í fjósinu í sveitinni, í fjósagallanum (sem samanstóð af rifnum gallabuxum, rauðum jakka, rauðri og hvítri húfu og bláum og hvítum stígvélum) og svo væri farið inn til ömmu og allir fengju steiktar kjötbollur í brúnni sósu og kartöflur eða sigin fisk. Ég sé það í anda!

Held að ég hafi bullað nóg í bili.
Heyrumst
G

Hæ, hæ... long time no nothing!

Allt gott að frétta af mér þó að ég hafi ekki bloggað í tæplega mánuð. Er bara búin að vera með nefið ofan í skólabókunum undanfarnar vikur. Sem hlýtur að teljast eðlilegt á þessum tíma árs ef maður er í skóla yfir höfuð. Hef samt alveg upplifað rólegri seinnipart annar. Núna er akkúrat mánuður í fyrra prófið og að minnsta kosti ein verkefnaskil í hverri viku fram að því og eitthvað inn í prófatíðina. Þetta hefst allt, alveg eins og allar hinar annirnar. Maður tekur bara eitt verkefni fyrir í einu.

Við vorum að fá nýtt jóladót í búðina í síðustu viku. Það á að nota það í útstyllingu í gluggana. Ég fékk það í gegn, með hörku, að það yrði ekki sett upp neitt jóladót fyrr en í fyrsta lagi 21. nóv. Sættist á það fyrst að fyrsti í aðventu er 29. nóv.

Seinna prófið mitt er 8.des og eftir það er maður bara í vinnunni 24/7. Hef nú hugsað mér að eyða kvöldunum mínum í des í að hengja upp jólaskraut, kaupa mér ígildi jólatrés, baka smákökur, búa til konfekt, pakka inn jólagjöfum og hlusta á jólalög. Hlakka sjúklega mikið til
Þá verður opið hús, kakó og með því. Allir velkomnir

Núna er ég að spá í að leggja fallega höfuðið mitt á koddann, loka augunum og dreyma eitthvað fallegt. Það er nefnilega strætóferð kl. 6:50 í fyrramálið.

Yfir og út, elskurnar

"Góðan dag, góðan dag....."


"Glens og grín, það er mitt fag...."


"Hopp og hí, trallalí...."


"Upp á nefið nú ég sný....."
"

Ef þú afi gamli kannski fynndir...."


"Einar tíu teiknimyndir..."


"Viltu setja, viltu setja....."


"Viltu setja þær tækið í?...."


Ég nenni ekki alveg að blogga, hef ekkert að segja, hehe.
Hendi einhverju hingað inn þegar andinn kemur yfir mig

Hellú elskurnar, langt síðan síðast? Það finnst mér allavega... skömm að þessu!

Það hefur nú ýmislegt gerst, mismerkilegt þó... eins og gengur.

Helstu fréttirnar eru þær að skólinn er alveg að ganga frá mér í verkefnum og öðru slíku... ekki lagast þetta núna um mánaðamótin. Er að fara í próf 21. október í siðfræðinni og ef að það gengur vel þá þarf ég ekki í próf í því í desember. Ætla því að taka þetta eins og alvöru lokapróf enda byrjuð að læra á fullu. Þá verða bara próf 3. og 8. des Búin snemma og get farið að huga að jólabakstri, skreytingum og innpökkun gjafa fyrir vini og vandamenn. Hlakka alveg svakalega til, híhíhí.  Tóta er meira að segja búin að ráða mig sem innpökkunardömu þannig ef að einhverjir vilja nýta sér það þá er það velkomið. Alltaf gaman að fá eitthvað til að dunda sér við yfir jólalögum og svoleiðis En ókei, ég skal ekki alveg missa mig í jólafantasíum strax

Haldiði ekki að ég hafi fundið stefnuna í lífinu í gær! Búin að leita hennar lengi og svo bara llt í einu... ding!... kviknaði á perunni. Ég er svo svakalega ánægð með það að það hálfa væri nóg! Ekkert kjaftæði og rugl, bara hjörtu, stjörnur og einhyrningar... hehe kannski ekki alveg en nánast

Vá, ég er sko alveg að fara frammúr mér í eldamennskunni núna. Ákvað að vera góð við sjálfa mig, sérstaklega af því að flest fötin mín eru orðin vel rúm...  Keypti mér kjúklingabringur, piparost, salat og kartöflur. Fyllti svo bringuna með ostinum og skar kartöflurnar í báta. Allt inn í ofninn í c.a. klukkutíma á lágum hita. Alveg sjúklega einfalt en alltaf jafn gott Og jú, ég ákvað að svindla... keypti mér gos, hehe. En maður má alveg hafa svindldaga, ekki satt? Það verður að mega það fyrst að maður er að fara á kökudeit í þarnæstu viku, hehehe

En vonandi eigið þið góða kvöldstund í kvöld og frábæra daga framundan elskurnar mínar

Stjörnur og hjörtu, einhyrningar og bangsar, blóm og regnbogar, knús og kossar
G